Cyfreithwyr Cytundebau Cyn Priodi a Chytundebau Cyd-fyw

Pan eich bod yn cychwyn ar eich bywyd gyda’ch gilydd fel pâr, nid yw cynllunio rhag ofn i bethau fynd o chwith ar ôl eich seremoni briodas neu bartneriaeth sifil yn ymddangos fel y ffordd fwyaf rhamantus o gychwyn ar eich taith. Gall cofnodi eich bwriadau ar y cychwyn hybu perthynas hapusach ac arbed llawer o straen a gofid os aiff pethau o chwith.

 

 

Mae gennym brofiad mewn paratoi Cytundebau Cyn Priodi a Chytundebau Rhag-gofrestru y gallai’r Llys roi ystyriaeth iddynt pe byddai perthynas yn chwalu. Gallwn gynnig cyngor cynhwysfawr ar y ffordd orau o ddiogelu eich sefyllfa a gallwn gyfeirio eich partner i’r cyfeiriad iawn i gael cyngor cyfreithiol annibynnol.

 

 

Caiff y term ‘priod o dan y gyfraith gyffredin’ ei ddefnyddio’n helaeth i ddisgrifio’r rhai sy’n cyd-fyw, ac mae wedi arwain at y camargraff fod gan bobl sy’n byw gyda’i gilydd hawliau tebyg i’r rhai hynny sydd wedi priodi. Mae llawer o bobl yn mynd at eu cyfreithiwr i gael cyngor am eu hawliau fel ‘priod o dan y gyfraith gyffredin’, heb sylweddoli nad yw eu sefyllfa wedi ei diogelu gan y gyfraith. Efallai y byddwch yn dymuno ystyried trefnu cytundeb cyd-fyw gyda’ch partner er mwyn nodi eich bwriad o’r cychwyn cyntaf.

 

Gallwn ni eich cynghori a pharatoi cytundeb a allai osgoi'r angen am achos llys pe byddai’r berthynas yn chwalu.