Cyfreithwyr Anghydfodau Cyd-fyw

Ceir camdybiaeth gyffredin eich bod yn briod yng ngolwg cyfraith gwlad a bod gennych rai hawliau yn erbyn eich partner os ydych chi wedi byw gyda’ch partner am nifer benodol o flynyddoedd. O dan y gyfraith, nid oes y fath beth â “phriod cyfraith gwlad” yn bodoli ac os yw’ch perthynas yn mynd ar chwâl ni allwch ddibynnu ar y ddeddfwriaeth briodasol sy’n galluogi parau priod i hawlio oddi ar ei gilydd.

 

Os ydych chi’n byw gyda’ch partner a bod eich perthynas yn dod i ben, mae’n bwysig eich bod yn cael cyngor cyfreithiol ynglŷn â’r hyn y gallwch ei hawlio. Mae’n bur debyg y byddwch eisiau gwybod beth fydd yn digwydd i’r tŷ yr ydych wedi bod yn byw ynddo a bydd gennych gwestiynau am eich asedau eraill. Efallai fod gennych blant gyda’ch gilydd a bod gennych gwestiynau ynglŷn â gyda phwy y byddant yn byw a beth fydd yn digwydd pe byddai anghydfod ynglŷn â hynny.

 

Weithiau, y mater mwyaf dryslyd yw eich sefyllfa gyfreithiol fel rhywun sy’n cyd-fyw. Yn JCP rydym yn cynnig cyfarfod cyntaf am bris sefydlog er mwyn i chi allu deall eich hawliau a’r camau y gallwch eu cymryd i ddatrys y sefyllfa.