Tir Comin

Mae tir comin, a'r hawliau a roddir i ddefnyddwyr, yn parhau i fod yn bwysig iawn i'r diwydiant amaeth yng Nghymru a Lloegr. Mae llawer o ffermwyr yn dibynnu ar gael defnyddio eu hawliau tir comin i bori, ac mae defnydd o’r fath yn hanfodol i ddiogelu’r tirlun tir comin ar gyfer y dyfodol.

Mae'r Tîm Practis Gwledig wedi datblygu arbenigedd ynglŷn â thir comin dros flynyddoedd lawer. Rydym yn cynorthwyo i gofrestru hawliau tir comin a gallwn gynghori ar unrhyw fater sy’n codi ynglŷn â’r defnydd o dir comin.

Rydym yn cynrychioli sawl cymdeithas cominwyr, ac wedi eu cynorthwyo i baratoi dogfennau cyfreithiol i sefydlu eu cymdeithasau, a byddwn yn cynghori ar amrywiaeth o faterion sy'n ymwneud â hawliau tir comin, y defnydd o dir comin, y Cynllun Taliad Sengl Sylfaenol, ac yng Nghymru wrth gwrs, y cynllun Glastir newydd a’r elfen tir comin sydd ynddo.