Cytundebau Grwpiau Ffermwyr

Mae ffermwyr yn gynyddol yn cydweithio mewn mentrau i gynyddu’r enillion y maent yn eu cael o’u cynnyrch, ac i leihau’r costau y mae eu busnesau yn eu hysgwyddo.

Dylai pob ffermwr mewn grŵp o’r fath ddeall yn glir ei rwymedigaethau i aelodau eraill y grŵp, a hefyd deall y gofynion angenrheidiol ar gyfer bodloni galw’r manwerthwyr. Gall unrhyw doriad o’r gofynion hynny gan un ffermwr olygu bod pob ffermwr yn y grŵp yn dioddef, a dyna pam mae hi’n bwysig bod cytundebau ffurfiol, sy’n darparu gwarantiadau ac indemniad, wedi’u llunio i ddiogelu pob ffermwr unigol. Bydd rhai manwerthwyr yn darparu dogfennau cyfreithiol o’r fath a bydd angen cyngor ar ffermwyr ynglŷn â nhw.