Cyngor cyfreithiol arbenigol ar gyfer Elusennau a'r Trydydd Sector

Mae’n rhaid i sefydliadau elusennol a’r trydydd sector ymdrin â’r holl ddeddfwriaeth y mae’n rhaid i gwmnïau preifat ymdrin â hi, ond â’r gofynion ychwanegol sylweddol a orfodir ar elusennau a’r rhai sy’n gweithredu yn y trydydd sector.

Ar adeg pan fo ‘llywodraethu da’ ar flaenau meddwl rhanddeiliaid, mae’n rhaid i ymddiriedolwyr ofalu hefyd i sicrhau eu bod yn cydymffurfio â’u cyfansoddiau a’u trefniadau gweithredu eraill yn ogystal â chydymffurfio â chyfraith elusennau gyffredinol.

Mae gan JCP arbenigedd o ran rhoi cyngor i elusennau a sefydliadau eraill sy’n gweithredu yn y trydydd sector ac rydym yn deall yn iawn pa mor bwysig yw cyngor amserol, arbenigol a rhagweithiol.

Mae ein gwasanaethau arbenigol ar gyfer Elusennau a’r trydydd sector yn cynnwys:

• Contractau Masnachol
• Eiddo Masnachol
• Materion Cyfansoddiadol a Llywodraethu
• Masnachol Corfforaethol
• Data a Gofynion GDPR
• Datrys Anghydfod
• Cyflogaeth a Gwasanaethau Adnoddau Dynol Allanol
• Ymgyfreitha Eiddo
• Ewyllysiau a Phrofiant Dadleuol

Rydym ni hefyd yn gwybod bod materion annisgwyl yn “disgyn o’r awyr” ac rydym yn hyderus bod gennym yr arbenigedd a’r profiad i fod yn gynghorwr lleol y gallwch chi ymddiried ynddo.

Rydym yn gwybod y byddwch yn dymuno cael cyngor ac arweiniad cyfreithiol sy’n caniatáu i chi weithredu mewn modd sy’n gydnaws â’ch ethos, ond sy’n synhwyrol yn fasnachol, yn realistig ac yn effeithiol o ran cost.

Er mwyn sicrhau eich bod yn derbyn gwasanaeth rhagorol bob tro, rydym yn darparu pwynt cyswllt pwrpasol i bob Cleient – ni chewch eich pasio o bared i bost!

Rydym wedi ein cydnabod gan feibl arweiniol y diwydiant, The Legal 500, am y gwasanaethau yr ydym yn eu darparu yn y sector hwn. Gallwch fod yn dawel eich meddwl eich bod yn defnyddio’r tîm cyfreithiol gorau posibl i ddiwallu’ch anghenion.

Mae ein Cleientiaid yn cytuno.....