Cyfraith Cyflogaeth

Pa un a ydych chi’n fasnachwr unigol neu’n gwmni cyhoeddus mawr, os ydych chi’n gyflogwr, mae’n hanfodol nad ydych yn esgeuluso unrhyw elfennau o’ch busnes. Mae Cyfraith Cyflogaeth yn newid yn barhaus oherwydd newidiadau cyson i ddeddfwriaeth a chyfraith achos, a gallwn ni eich cadw’n gyfredol er mwyn osgoi’r posibilrwydd i chi a’ch busnes fod mewn perygl diangen.

Byddwn yn archwilio’r posibiliadau o ddatrys anghydfodau trwy drafodaethau a chymodi, a chan fod atal problem yn well na’i datrys, byddwn hefyd yn eich cynghori ar sut i osgoi problemau rhag codi yn y lle cyntaf. Er hynny, rydym yn sylweddoli bod peth gwrthdaro yn anochel, ac oherwydd hyn, byddwn yn gwneud pob ymdrech i’ch rhoi mewn sefyllfa gryfach i amddiffyn eich busnes pe gwnaed hawliad yn eich erbyn.

Rydym ni hefyd yn cynnig gwasanaeth Adnoddau Dynol a adnabyddir fel y Cynllun Diogelu Cyflogaeth. Trwy ddefnyddio’r cynllun hwn gall ein tîm weithredu fel Adran Adnoddau Dynol ar eich rhan, gan ddarparu’r lefel o gymorth sydd ei angen arnoch. Gallai hynny olygu gwasanaeth Adnoddau Dynol cyflawn, neu ddarparu cefnogaeth mentora i dîm sydd eisoes wedi ei sefydlu.

Os yw’ch busnes yn y sefyllfa anffodus o orfod ystyried diswyddo, mae ein tîm yn brofiadol mewn cynnal diwrnodau llofnodi i gynghori nifer helaeth o weithwyr mewn cyfarfodydd setliadau torfol. Bydd grwpiau o weithwyr yn dod i’r diwrnodau llofnodi hyn, a bydd pob cyflogai yn cael cyfarfod unigol ag un o’n cyfreithwyr cymwysedig i gael cyngor ar eu sefyllfa benodol hwy. Mae gennym brofiad o ddarparu’r gwasanaeth hwn yn lleol ac yn genedlaethol.